Іскер әйелдер бас қосты Текелі қаласының Кәсіпкерлер палатасында қалалық Іскер әйелдер кеңесі жұмыс отырысын өткізіп, алдағы уақытта қолға алынатын жұмыстарын пысықтады, жоспар жасап, ұсыныс-пікірлерін ортаға салды. Кеңес төрайымы Райхан Сисекенова қарапайым болса да нәтижелі, ел-жұртқа пайдасы тиетін іс тындыруға көңіл бөлу керектігін, іскер әйелдер, ең алдымен, өмір сыйлаушы – ана болғандықтан, ұрпақ тәрбиесіне, олардың өмірден өз орындарын адаспай табуларына да жол нұсқайтын жобалар ұйымдастыру қажеттігіне маңыз берді.